•No primeiro semestre do ano o Centro Demostrador TIC da Amtega organizou un total de 54 actividades, que incluíron sesións demostradoras, seminarios de formación e encontros para achegar as TIC a pemes e autónomos. Máis de 260 empresas participaron no programa formativo do CDTC ao que asistiron 1.200 persoas, 207 a través do sistema de videoconferencia das aulas CeMIT e 326 vía streaming.
Para chegar a un maior número de usuarios, o Centro Demostrador estreitará a colaboración coas principais aulas CeMIT, como as de Sarria, Quiroga, Chantada ou Monforte, que retransmitirán as actividades a través do sistema de videoconferencia da rede.
Outro dos servizos do Centro é o CDTIC Virtual, no que empresas, organizacións e persoas usuarias poden probar e avaliar distintas aplicacións en software libre a través dun servizo na nube nun contorno privado, sen necesidade de dispoñer de recursos informáticos propios ou persoal con coñecementos avanzados de sistemas.•
