Os monfortinos coparon seis dos dez primeiros postos no Campionato disputado en Cangas na modalidade de combate

Os máis novos do Gimnasio Neka están a garantir que o clube monfortino ten canteira. Así se demostrou no último Campionato Galego Promesas Cadete de Combate, disputado en Cangas o pasado 23 de febreiro. Tres medallas e seis dos dez primeiros clasificados foi o exitoso balance do clube monfortino nesta proba. Saúl Martínez acadou a medalla de plata, e houbo dous bronces para Manuel Veloso e Alejandro Losada; pola súa parte,Elena Varela clasificouse en quinta posición, José Roca en sexta, e o sétimo posto foi para Sara Fuente. Os próximos retos para o club Neka serán o 9 de marzo, cando participarán en Ponteareas no Campionato Galego Absoluto de Técnica, e o día 2 José Mª Vega participará como técnico da selección galega no V Open Internacional en Fuente Álamo (Murcia).