O alcalde de Bóveda e deputado provincial, José Manuel Arias, defendeu no último pleno da Deputación de Lugo a urxencia de debate dunha moción para que a administración provincial colabore economicamente na mellora do sistema de abastecemento de auga do municipio, “tal e como se comprometera verbalmente”, según precisa o rexedor local.
CRÍTICA Ó RETRASO EN ATENDER ESTA PETICIÓN
Neste senso, José Manuel Arias censura que o Goberno provincial “non considere urxente o problema da agua en Bóveda, relegando o debate da moción ao pleno de outubro”. Arias non entende que os dous partidos no Goberno provincil, co voto en contra da urxencia, impedisen urxirlle á Deputación a que asuma os seus compromisos, dando así resposta a un “problema que implica unha actuación inmediata dado as deficiencias no abastecemento de auga” e máis tras ter constancia dun informe de Sanidade que recolle que “a auga de Bóveda non é potable para o consumo”. Arias lamenta “que os dous partidos políticos evitasen que se entrase no debate en fondo” dunha moción sobre unha situación que implica a “máxima axilidade na súa xestión”. O deputado e alcalde invita ao grupo do PSOE e do BNG no Concello “a que se pronuncien ao respecto” e “que expliquen se consideran oportuna a actuación dos seus socios na Deputación que forman parte dun equipo de goberno que a data actual non iniciaron os trámites aos que se comprometeron para colaborar co concello”. O alcalde de Bóveda lamentou que “a Deputación de Lugo evade colaborar cos municipios, incluso ante situación de primeira necesidade, como é a oferta dun servizo de auga potable”.
ESIXEN COLABORACIÓN ECONÓMICA
Según explicaron os responsables do Grupo provicial do Partido Popular, a Deputación firmou en 2011 un convenio co Concello para a construción dunha piscina municipal, tras terse asinado un primeiro convenio no 2007. Según os populares, pese a que o municipio respondeu ás peticións para materializar este proxecto, aínda non se levou a cabo, existindo polo tanto a dotación orzamentaria que adxudicara para esta obra. Dada a presenza de cianobacterias no abastecemento de auga municipal, e tendo elaborado un proxecto para solventar este problema, o alcalde solicitou a reorientación dos fondos da partida destinada á piscina para resolver o servizo da auga. Os populares aseguran que a Deputación garantiu ó alcalde a súa colaboración económica para a mellora na Etap de Bóveda-Fase II, pero que a institución aínda non realizou ningún trámite ó respecto.•
OS SOCIALISTAS DE BÓVEDA GABAN QUE O ALCALDE “ESCOITARA A NOSA PROPOSTA” E NON COBRE A AUGA “MENTRES ESTÉ EN MAL ESTADO”
A voceira socialista no municipio, Carme Macía, considerou indignante” que o rexedor non advertise “de inmediato” ós veciños dos resultados do informe de Sanidade que determina que a auga da traída municipal non é potable. A voceira socialista lembrou que José Manuel Arias “leva catro meses facendo oídos xordos ás nosas advertencias e recomendacións, acusándonos ata de crear unha alarma innecesaria, e agora son os bovedenses os que pagan a súa neglixencia”. Para a edil, o alcalde “é incapaz de solucionar un problema da súa competencia e tampouco conta co apoio da Xunta, que ten abandonados ós concellos, polo que recorre á Deputación sabendo que é a única que lle pode axudar”.
Cargando ...
