• A mediados de febreiro, a Xunta entregou un total de 47 desfibriladores a 40 concellos e aos seis parques de bombeiros da provincia. Segundo explicou o delegado autonómico en Lugo, José Manuel Balseiro, «o Goberno galego entende que as Agrupacións de Voluntarios de Protección Civil e os GES deben dispoñer desta valiosa ferramenta pola súa capacidade de resposta nas emerxencias do seu entorno».
Na zona sur, os concellos que recibiron este dispositivo foron Carballedo e Chantada, Folgoso do Courel, Ribas de Sil e Quiroga, Monforte de Lemos, Sober e A Pobra do Brollón, así como O Incio e Sarria. Os 40 concellos lucenses foron seleccionados por dispoñer de Grupos de Emerxencias Supramunicipais ou agrupacións de Protección Civil.
Balseiro precisou que a Xunta está a poñer en marcha unha «estratexia de cardioprotección» que inclúe o uso de desfibriladores fóra do ámbito sanitario, dando formación a colectivos para o seu uso.•
Cargando ...
