Xa está en marcha o plan de mellora da sinalización do Camiño de Inverno, para o que a Xunta destina 1,4 millóns de euros. O proxecto abrangue case 200 quilómetros que transcorren por un total de 14 municipios. Os labores deberán estar rematados a mediados de abril de 2020.
ARRANXO DE TRAMOS
O vicepresidente primeiro da Xunta, Alfonso Rueda, ofreceu os datos desta intervención durante a súa visita a Chantada a comezos deste mes. Rueda, acompañado polo delegado en Lugo, Javier Arias, precisou que o proxecto inclúe a rehabilitación de varios tramos desta ruta xacobea, para adecuar o solo ou das anchuras do percorrido, para manter unha homoxeneidade co resto do itinerario.
En canto á sinalización, tamén se está a unificar o sistema de marcas, empregando cunchas en parede, fitos de pedra ou elementos doutro tipo, como mouteiras de lousa nos concellos da comarca de Valdeorras.
Rueda lembrou tamén que as obras do futuro albergue público do Saviñao están a piques de comezar. •
Cargando ...
