Completada a sinalización do Camiño de Inverno con 1,7 millóns de euros

Supervisión do remate dos traballos de sinalización do Camiño de Inverno ao seu paso polo concello de Rodeiro, a finais do mes de agosto. GPXG

• Redacción- MONFORTE.
A Xunta vén de rematar os traballos de sinalización do Camiño de Inverno, nos que investiu un total de 1,7 millóns de euros. As intervencións máis recentes realizáronse no tramo que discorre polo municipio de Rodeiro, cun investimento de 110.000 euros.
Estas obras veñen completar as xa realizadas nesta ruta xacobea, declarada oficial en 2016, ao seu paso polo concello de Lalín, e aos traballos desenvolvidos nos municipios de Quiroga, Ribas de Sil, A Pobra do Brollón, Monforte, Pantón, O Saviñao e Chantada , así como noutros catro da provincia de Ourense. En total, a Xunta instalou a correspondente sinalización xacobea en 190 quilómetros ao longo de 14 concellos. O Camiño de Inverno discorre polas catro provincias galegas, e atravesa comarcas tan singulares como a Ribeira Sacra, o Deza ou Valdeorras.
Con estas obras, a Xunta dá por rematado o conxunto de proxectos incluídos no Plan Director do Camiño de Santiago 2015 – 2021, dotado con máis de 67 millóns de euros. •

Deixa unha resposta

Your email address will not be published.

Nova Anterior

Candia cualificou de «irresponsable» a xestión do presidente da CHMS no baleirado dos embalses

Seguinte Nova

Feijóo inaugurou o novo centro de saúde de O Saviñao

Últimas noticias sobre PORTADA

A %d blogueros les gusta esto: