Solidariedade Galega co Pobo Saharaui

A ONG SOGAPS (Solidariedade Galega co Pobo Saharaui) continúa coa súa labor de difusión do programa de acollida «Vacacións en Paz 2024». Tras o éxito da primeira charla informativa celebrada o pasado 16 de marzo, a organización levou a cabo un novo encontro para o pasado venres 5 de abril ás 20:00 horas, no Centro Cívico do Malecón de Monforte. Este evento estivo dirixido tanto ás familias que xa mostraron interese no programa como ás que, por diferentes razóns, non puideron asistir á primeira sesión informativa. A intención era ofrecer a todos os interesados a oportunidade de coñecer en detalle o programa e resolver calquera dúbida que poida xurdir.
«Vacacións en Paz» é un proxecto solidario de acollida temporal de nenos e nenas saharauis durante os meses de xullo e agosto. Desde o ano 1991, Galicia ven participando nesta iniciativa, brindando ás familias saharauis a posibilidade de que os seus fillos desfruten dunha estancia enriquecedora baixo o coidado das familias acolledoras galegas. Maite Isla, presidenta de SOGAPS, foi a encargada de impartir esta charla, na que se ampliou a información sobre o programa e se resolveron as dúbidas das familias interesadas. Para máis información, pódese contactar con Alberto Pérez Galán, membro de SOGAPS Lugo sur, no teléfono 609536940 ou mediante correo electrónico a albertopgalan@gmail.com.•