Chantada arrinca a tempada de Feiras do Viño coa súa XL edición, que se celebrará os días 10, 11 e 12 de marzo

• O programa da feira segue a apostar polas agrupacións e as empresas colaboradoras locais, as actuacións na rúa a pé da carpa, as actividades gratuítas para as nenas e nenos e o túnel do viño

Aínda cos disfraces frescos na retina, (aínda queda entroido esta fin de semana en Pantón), e xa estamos listos para novos festexos, pois xa se están a preparar as feiras de viño da comarca. E a que supón a inauguración destas homenaxes festivas ao viño, é a de Chantada, que este ano chega á súa LX edición, e celebrarase os días 10, 11 e 12 do próximo mes de marzo, segundo deuse a coñecer na presentación levada cabo esta semana no restaurante Os Pendellos, a cargo do concelleiro de Cultura de Chantada Manuel Diéguez. O acto contou coa presenza dalgúns dos adegueiros participantes, de Néstor Quiroga, presidente da Asociación de Empresarios de Chantada e CCA Ribeira Sacra e o técnico de Cultura, Ramón Caamaño. Presentouse tamén o que será o cartel da Feira, que foi diseñado polo ciruxán e ilustrador Alejandro García.
O programa da feira é continuista, e segue a apostar polas agrupacións e as empresas colaboradoras locais, as actuacións na rúa a pé da carpa, as actividades gratuítas para as nenas e nenos, o túnel do viño, a cata popular e o peche de stands a horas concretas cada día.
O venres, 10 de marzo, os stands das adegas abrirán ás 20 horas e permanecerán abertas ata as 2:30 h. da madrugada. Ese mesmo día haberá Cantos de Taberna e a actuación as 23:30 h do grupo Claxxon.
O sábado 11, a feira comezará coa actuación do grupo de zanfoñas da Tradescola de Lugo, e dos Searas. Haberá tamén actuacións ao longo do día da Agrupación Tradicional da casa da música e do cuarteto Albeiro Ardoa. De 17 a 19 h terá lugar a cata popular na carpa principal, para rematar coas actuacións das orquestras Trebol e Saudade.
O domingo as 10:30 horas terá lugar a cata oficial. Logo actuarán o grupo de gaitas Os Barrios, a charanga Nba e a banda de gaitas do concello de Chantada. Ás 13 horas Antonio López Díaz, reitor da Universidade de Santiago de Compostela, lerá o pregon. Con posterioridade, ás 15 horas, terá lugar a entrega de premios da Feira.
Pola tarde o protagonismo recaerá nas charangas Nba e Louband.
E para tematar a feira, a actuación da orchestra Compostela. Os stands pecharán ás 12:30 horas.
O túnel do viño terá un custo de 10 € e celebrarase coma sempre no Auditorio Municipal. A cata popular seguirarse realizando na carpa principal e terá un custo de 5 €.
Nos mesmos días que se celebra a feira, tamén se desenvolverán a a XIV edición da Feira de Oportunidades e a XIII edición da Mostra de Produtos e Artesanía organizadas pola Asociación de Empresarios de Chantada e CCA Ribeira Sacra.
Este ano participan un total de 15 adegas, Os Cipreses. Enonatur Adegas e Viñedos Lareu Adegas Amedo Adega Castrofiz Adegas Condado de Sequeiras Albarduxe Vía Romana Adegas e Viñedos Adega Cabo do Mundo Pilares De Belesar Instinto Romano Adega Diego de Lemos Bodega Pincelo Adega Calexotes Adega e Santa María de Nogueira.•