Esta semana vense de presentar a IX edición do Fancine de Lemos, un dos principais referentes galegos do cinema fantástico, con cinco días de proxeccións de curtametraxes, longametraxes e actividades paralelas arredor da produción e distribución de proxectos cinematográficos e da arte da creación de pezas e obxectos de terror.
“Ter recibido máis de duascentas curtametraxes significa que o festival está consolidado non só a nivel nacional senón tamén internacional. Despois de tantas edicións, a Fancine de Lemos é unha auténtica aposta polas curtametraxes dentro dos festivais de cine fantástico en España”, destaca Iván Patiño, director do festival dende a súa creación en 2014.
A novena edición do Fancine de Lemos celebrarase entre os días 5 e 9 de xullo e contará cunha selección oficial de vintetres curtametraxes a concurso, escollidas entre máis de trescentas obras do máis puro xénero de terror (“Compañeiros”, de Fernando Tato; «Adorable» de Marcos Colombres; «Cadeas» de Álvaro López; «Dativa» de Daniel Calavera; «Fantaterror» de Néstor Arránz e Óscar Rip; «Psicario» de Daniel Padró Targarona; «Luna» de Daniel M. Caneiro) , outras que engloban o fantástico («Lique», de Anita Pico; «No hay fantasmas», de Nacho Solana; «Ovo», de Stiv Spasojevic; «White Butterflies», de Shuangshuang Yu e Jara García de Viedma), pezas de animación (“Boxfox”, de Aurora González Segura, Ángela Ronco Núñez e Juan José Romero Cortina; “Dennis”, de Carlos Beceiro e Guillermo Garzón), suspense (“A moza da bufanda vermella”, de Martín Cainzos; “Visión parcial de una mañana insólita”, de David Tangarife; “Psycho Shower”, de Yoel Rodríguez.), thriller psicolóxico (“Anecoica”, de Marcos Callejo; «Broken wings” de
Carlos Albero; «En tu mente» de Miguel Bañares; «Retap» de Víctor Marín). Apostas diversas que, segundo Iván Patiño, “reafirman a nosa crenza na importancia deste formato como precursor e inicio de grandes directores e directores”.
O Fancine de Lemos homenaxea na súa novena edición a Marian Salgado, unha das figuras máis importantes do fanterror español, que recollerá o premio honorífico 2023 e que estará presente na proxección de «La Endemoniada».
O broche final do festival será a proxección da película «O exorcista». A continuación, Marc Castro impartirá unha charla sobre «50 anos de O exorcista», onde falará do aniversario da película e da súa importancia na sétima arte.•
