A portavoz nacional e candidata do BNG, Ana Pontón, fixo o pasado xoves un chamamento á «máxima mobilización» porque, asegurou, estamos diante das eleccións máis importantes dos últimos tempos e porque «hai partido» de cara a unha cita na que o BNG é a única alternativa real ao PP. Fíxoo nunha intervención ante os cargos e representantes municipais do BNG, nunha convención para mobilizar coa mirada nas eleccións do 18 de febreiro. “Hai partido e saímos a gañalo, saímos a por todas sabendo que o 18-F só hai dúas alternativas: un goberno do PP co candidato Rueda como presidente, o mesmo que nos deixa unha Galiza máis pequena e que é capaz de mentirlle á cidadanía ante un desastre ambiental ou un goberno liderado polo BNG, cunha presidenta preparada para poñer en marcha Galiza en grande e que sempre lle vai dicir a verdade aos galegos e ás galegas”, proclamou.
Ana Pontón comprometeuse, neste sentido, a liderar un goberno «que faga as cousas ben» e a ser «a presidenta que lles diga a verdade» fronte a un candidato do PP «que acaba de darnos un recital de mentiras, ocultación, manipulación e incompetencia», un presidente que «xa ten os seus hilitos de plastilina» logo de chamarlle «boliñas de plástico» a nada máis e nada menos que 25 toneladas de pellets plásticos que contaminan as praias do País. «Un presidente mídese cando hai problemas e vemos que Rueda está agochado nunha crise ambiental desta magnitude», advertiu, ao tempo que denunciou que o Goberno do PP afronte esta catástrofe antepoñendo os seus “intereses electorais” e co mesmo manual que utilizou co Prestige: “Ocultar, mentir, minimizar o problema, manipular usando a TVG e botar balóns fora en lugar de achegar solucións”.
De novo, instou aos gobernos galego e do Estado a deixar de “tirarse os trastes” e a traballar para antepoñer os intereses dos galegos e das galegas ás súas loitas partidistas. “Estou segura de que esta última marea de ocultación, de mentiras, de incompetencia será derrotada das urnas, porque é un poderoso motivo máis para superar catorce anos dun Goberno do PP que deixa unha Galiza peor da que atopou e dar paso á Galiza mellor que como presidenta aspiro a construír”, destacou.
Pontón comprometeuse a liderar un goberno que traballe polo interese xeral, pensando en todos os galegos e as galegas “e non nos intereses dos lobbys enerxéticos”. A súa aspiración, dixo, é construír unha Galiza “produtiva na terra e no mar, con industria, que aposte pola ciencia e pola innovación” fronte á Galiza de “de salarios baixos e empregos precarios” que deixa o PP.
A candidata do BNG quere ser a presidenta dunha Galiza que coide do seu medio ambiente, na que a riqueza enerxética estea ao servizo dos traballadores, das familias e das empresas, unha Galiza que poña os coidados no centro, feminista, con igualdade e na que “cada quen ame e sexa quen queira ser”.
“Galiza merece un goberno que funcione, con ambición, con confianza e con orgullo do que somos, como País e como pobo. E quero ser a presidenta dese goberno, para colocar Galiza no lugar que lle corresponde: entre as nacións máis avanzadas do mundo”, concluíu a portavoz nacional.
CANDIDATURA DOS SOCIALISTAS GALEGOS
O líder do Partido Socialista galego, José Ramón Gómez Besteiro, presentou as candidaturas do PSdeG, destacando o compromiso do partido en liderar un goberno transparente e responsivo para a Galicia. Durante o evento, Besteiro sinalou á xestión “torpe e incompetente” da marea branca por parte dun goberno galego liderado por un Rueda que logo de 13 anos como responsable da xestión das emerxencias, afrontou a chegada de pélets demostrando “inacción, incompetencia, soberbia e mentiras”. Afeoulle que tardara un mes en pisar unha praia logo de que os seus conselleiros do Mar e de Medio Ambiente chegaran a dicir que os plásticos “entran por onde entran e saen por onde saen” ou que os pélets non eran tóxicos.
O candidato socialista delineou as principais liñas do proxecto do PSdeG, enfocándose na protección dos servizos públicos e na revitalización económica da Galicia, con especial atención á creación de empregos de calidade. Besteiro propuxo un plan amplo de recuperación da Atención Primaria para evitar colapsos nas urxencias e destacou a importancia dun pacto galego para enerxías renovables.
A reindustrialización de Galicia tamén está no centro das propostas de Besteiro, alineadas coa transición ecolóxica e a emerxencia climática. Durante o evento, pediu por un transporte metropolitano eficiente, verdadeiramente ao servizo dos galegos. O candidato enfatizou que completar o mapa de infraestruturas galegas e avanzar cara á gratuidade da AP-9 son prioridades esenciais para o partido.
Ao presentar as súas propostas de goberno en oposición ao Partido Popular, Besteiro acusou o PP de non querer destacar a realización das eleccións o 18 de febreiro. Pediu unha mobilización social significativa e criticou a postura do PP, que se nega a participar en debates electorais.
Besteiro alertou que, nestas eleccións, o gran adversario do PP é o Partido Socialista. Incitou os socialistas a liderar a mobilización social, afirmando que a Galicia gaña e o PP perde cando os socialistas son apoiados.
Durante o evento, tamén foron destacadas as catro cabezas de lista das provincias, enfatizando a lideranza feminina e propostas transformadoras. Besteiro reforzou a determinación de vencer en cada cidade e vila, destacando a importancia dos 100 alcaldes socialistas e reiterando a necesidade dun goberno que responda ás demandas dos galegos.
A presentación foi pechada cun chamamento do secretario-xeral do PSdeG, Valentín González Formoso, para unha mobilización nos últimos días co obxectivo de cambiar o destino do país cun novo goberno liderado por Gómez Besteiro, caracterizado pola súa sensibilidade ás persoas e a realización da «Galicia soñada». •
Cargando ...
