As brigadas municipais de medio ambiente e medio rural do Concello de Sarria realizaron nos últimos días labores de limpeza e desbroce nos ríos do municipio. Os traballos concentráronse especialmente no Río Pequeno e no Río Sarria, así como nas súas inmediacións. Estas accións son parte dunha serie de intervencións planificadas que continuarán nos vindeiros días co obxectivo de manter en bo estado os cursos fluviais da zona.
Pola súa banda, os concelleiros do Partido Popular de Sarria rexistraron unha iniciativa para reclamar ao Concello a posta en valor do río Celeiro, coñecido tamén como río Pequeno. A proposta busca promover todas as accións necesarias para realzar o papel deste río como patrimonio natural e paisaxístico do municipio. A voceira do PP en Sarria, Carmen José López, destacou a importancia de preservar e potenciar os recursos naturais do concello. López sinalou que a coincidencia dos traballos municipais co rexistro da iniciativa do PP pode ser casualidade, pero destaca a influencia positiva que a proposta pode ter tido nas accións do goberno local.•
