Os Socialistas de Lugo acusan ao PP de «mentir descaradamente» sobre o estado da atención primaria na provincia

O PSdeG na provincia de Lugo critica duramente o Partido Popular, acusándoo de «mentir descaradamente» sobre o estado da atención primaria. A polémica xurdiu despois das declaracións do director asistencial da área sanitaria de Lugo-A Mariña-Monforte, negando o peche de centros de saúde no rural. O PSdeG lembra que a Xunta pechou o consultorio de Castro, en Carballedo, e precarizou a atención –reducindo días de consulta e persoal- nos de Parga; Castro de Rei; Cervo e Nadela tras mantelos pechados durante meses. Ademais, tivo cerrado o consultorio de Bóveda; deixou o ambulatorio de Castroverde sen médicos no Nadal; e en Negueira de Muñiz non hai facultativo dende outubro. Destacan que o 80% dos concellos carecen de médicos, enfermeiros e pediatras. Comparan co goberno de Touriño, subliñando a rápida atención en contraste coas actuais esperas. Os socialistas responsabilizan o PP pola peor etapa na sanidade, perdendo 900 profesionais en 15 anos. Afirman que a Xunta de Besteiro «recuperará e reforzará» a sanidade pública.•