O Grupo Municipal do Partido Popular en Sarria levará ao próximo pleno unha iniciativa destinada a abordar a cobertura de fibra óptica no municipio. Co obxectivo de identificar áreas con dificultades de acceso, propoñen a realización dun estudo exhaustivo sobre a rede de fibra óptica, especialmente nas diferentes parroquias que conforman Sarria. Os concelleiros do PP resaltan a importancia desta medida, subliñando que garantir unha conexión de Internet de calidade é fundamental para o desenvolvemento rural. Ademais, sinalan que unha conexión de alta velocidade é esencial para o teletraballo e facilita o acceso a trámites, reunións e contido multimedia, equiparando así as condicións coas áreas urbanas.
Carmen José López, portavoz do grupo, destaca que o acceso a Internet de alta velocidade debe ser un obxectivo claro para as administracións locais. Para respaldar a súa proposta, os concelleiros propoñen duas medidas específicas: en primeiro lugar, realizar un estudo exhaustivo sobre a cobertura de fibra óptica, especialmente nas diferentes parroquias que conforman Sarria. Este estudo pretende detectar todas as áreas con dificultades ou imposibilidade de acceder a este tipo de servizos de telecomunicación.
A iniciativa dos populares busca o acceso equitativo á fibra óptica para os veciños de Sarria, e asegurar que tanto as áreas urbanas como as rurais teñan as mesmas oportunidades de desenvolvemento e acceso ás tecnoloxías de información.•
Últimas noticias sobre SERVIZOS
A deputada autonómica pola provincia de Lugo, Raquel Arias, expresou o seu pesar polo rexeitamento do
As brigadas municipais de medio ambiente e medio rural do Concello de Sarria realizaron nos últimos
A Xunta destina 155 millóns de euros para o Bono Coidado no Fogar e o complemento
O pasado xoves, a Deputación de Lugo mantivo en funcionamento un operativo para axudar a aliviar
O compromiso de Monforte coa xestión sostible de residuos e a protección do medio ambiente reflicte-se