Julia Rodríguez, do Partido Popular de Monforte, amosouse fai uns días favorable a reducir nun 50% o número de cargos políticos que cobran do erario público no Concello monfortino, así como o número de asesores que traballan ao servizo do grupo de goberno como persoal de confianza. Segundo explicou, “na actual situación de crise sería irresponsable non actuar de acordo a criterios de austeridade”. “Cando as familias e as empresas monfortinas padecemos as consecuencias da actual situación económica, impónse a necesidade de racionalizar o gasto para destinalo a actuacións prioritarias”, engadiu. A voceira do Partido Popular asegurou que “o PP adopta esta posición que garante a gobernabilidade da nosa cidade, pero mantendo un criterio claro de control do gasto que permita levar a cabo proxectos que os monfortinos necesitan e que, neste momento de crise, van a ser difíciles de afrontar”. Para os populares resulta necesario facer unha profunda revisión das asignacións de carácter político, xa que se ben é entendible que un alcalde dunha cidade de case 20.000 habitantes teña dedicación exclusiva, “non se xustifican outras dúas dedicacións exclusivas e dúas persoas de confianza cobrando do Concello”.
Últimas noticias sobre ECONOMÍA
O Concello de Sober converteuse esta semana no epicentro do lanzamento do «O Encontro de Sober»,
Este luns, 1 de abril, abre o prazo para presentar solicitudes ao programa ReAcciona da Xunta
Remarca a súa colaboración institucional para que manteña a súa sede en Monforte, e propón a
A Agrupación Empresarial da Ribeira Sacra organizou unha xornada para presentar propostas para a elaboración do
Desde a Xunta de Galicia, os populares galegos apoian o investimento, mentres nacionalistas e socialistas móstranse