A Xunta destinou 270.000 euros para manter os empregos de traballadores con discapacidade en entidades da provincia de Lugo

A Xunta de Galicia, a través da Consellería de Traballo e Benestar, destinou este ano 273.200 euros a financiar o mantemento de postos de traballo para persoas con discapacidade en centros especiais de emprego da provincia. Mediante este investimento, a Xunta asume parte dos custos salariais dos traballadores dunha ducia de centros especiais de emprego da provincia de Lugo. Estes centros promoven empresas produtivas, participan regularmente nas operacións do mercado e aseguran empregos remunerados, coa característica de que o seu cadro de persoal debe estar constituído polo maior número de persoas traballadoras con discapacidade que permita a natureza do proceso produtivo e, en todo caso, polo 70 % da plantilla sen ter en conta o persoal sen discapacidade dedicado aos servizos de axuste persoal e social.

Entre as entidades beneficiarias figuran Cogami (Confederación Galega de Persoas con Discapacidade), a Rede Galega de Kioscos, Coinco ou Grafinco, que realizan actividades no sector gráfico e a informática, ou Produtores de Carne da Ribeira Sacra. A Consellería de Traballo e Benestar desenvolve liñas de acción específicas para lograr a integración laboral das persoas con discapacidade, sobre o convencemento de que o acceso ao emprego é tamén elemento decisivo para á súa integración social.

Deixa unha resposta

Your email address will not be published.

Nova Anterior

Sarria reivindica as súas tapas

Seguinte Nova

Silvicultura e prevención de incendios forestais: Preto de 60.000 hectáreas anuais, acondicionadas contra o lume

Últimas noticias sobre ASOCIACIONISMO

     
A %d blogueros les gusta esto: