A Xunta aporta 798.907 euros para mellorar os equipamentos culturais de concellos e asociacións

No sur de Lugo, as axudas beneficiarán ás infraestruturas e equipamento cultural dos concellos de Quiroga, Ribas de Sil, Láncara, O Páramo, Sober e Sarria

As axudas aprobadas pola Xunta de Galicia buscan favorecer o desenvolvemento dunha actividade cultural estable e de calidade nos concellos galegos (na foto, a Casa da Cultura de Sarria). EC.

O Diario Oficial de Galicia publicou o pasado 14 de xaneiro a resolución das axudas que a Consellería de Cultura, Educación e Ordenación Universitaria convocou a través da Secretaría Xeral de Cultura, destinadas a concellos, asociacións, entidades ou fundacións.

FAVORECER O DESENVOLVEMENTO DUNHA OFERTA CULTURAL ESTABLE E DE CALIDADE

Cun importe total de 798.907 euros, cofinanciados co Fondo Europeo de Desenvolvemento Rexional, esta liña de axudas ten como obxectivo favorecer o desenvolvemento dunha oferta cultural estable e de calidade no conxunto dos concellos galegos, tanto a través dos propios entes locais, como a través das entidades culturais, fundacións e asociacións que promoven este tipo de iniciativas.

AXUDAS ATA O 75% DO ORZAMENTO SUBVENCIONABLE

Ao abeiro destas axudas, a Consellería, a través da Secretaría Xeral de Cultura, colabora a sufragar as melloras que os beneficiarios realicen nos seus locais e equipamentos culturais, ata un 75% do orzamento total do proxecto subvencionable.

ACONDICIONAMENTO DE LOCAIS, MELLORA DA ACCESIBILIDADE, E DOTACIÓN DE EQUIPAMENTO ESCÉNICO

Entre as actuacións subvencionables dentro desta liña de axudas inclúese o acondicionamento das instalacións en casas da cultura, centros socioculturais, locais sociais, salas de exposicións, auditorios e teatros, así como a realización de accións encamiñadas á mellora da accesibilidade, da seguranza e á supresión de barreiras arquitectónicas. As axudas tamén contribúen á dotación de equipamento nestas infraestruturas para atender as necesidades de iluminación, megafonía, material audiovisual, informático ou musical, para a realización das súas actividades culturais.

CRITERIOS PARA A APROBACIÓN DAS AXUDAS

Según explicaron os responsables de Cultura, a concesión das subvencións foi avaliada por unha comisión que tivo en conta como criterios prioritarios o número de actividades culturais, a súa repercusión territorial, o fomento de novos usos dos locais, a finalidade concreta do investimento e o nivel de autofinanciamento.

DIVERSOS EQUIPAMENTOS E ACTUACIÓNS DE MELLORA EN ESPAZOS CULTURAIS DOS MUNICIPIOS DO SUR DE LUGO

Na área do sur de Lugo, diversos concellos resultan beneficiados por esta liña de axudas. Así, o Concello de O Páramo recibirá 543,90 euros para equipamento de son e megafonía no Edificio de usos múltiples, e o Concello de Sober contará con 5.024,47 euros para a mellora do acceso de persoas con discapacidade e para a compra dun piano no Centro Sociocultural. Asimesmo, o Concello de Quiroga contará con 768,78 euros para equipamento escénico e audiovisual, e Ribas do Sil percibirá 4.063,62 euros destinados a equipamento xeral. Pola súa parte, destinaranse 2.377,78 euros para o acondicionamento da aula interior da Casa da Cultura de Sarria, e 256,87 euros para o equipamento polifuncional no Concello de Láncara.

AXUDAS DE CULTURA PARA FUNDACIÓNS, ENTIDADES OU ASOCIACIÓNS

Esta liña de axudas tamén beneficia a entidades, asociacións ou fundacións, nos mesmos termos que no caso dos Concellos. Así, entre outras, a Fundación Manuel María -Estudos Galego beneficiarase dunha achega de 2.794,24 euros destinada ao equipamento xeral para o seu auditorio, e a Sociedad La Unión de Sarria contará con 7.527,15 euros para obras no local e adquisición de equipamento xeral.

Deixa unha resposta

Your email address will not be published.

Nova Anterior

Artesanía lucense busca mercados en París

Seguinte Nova

Concellos do sur de Lugo e Deputación firman en Monforte o convenio para financiar a teleasistencia domiciliaria

Últimas noticias sobre ASOCIACIONISMO

 
A %d blogueros les gusta esto: