Novidades do mundo do viño na Ribeira Sacra

•Máis de 4 millóns e medio de quilos de uva nesta vendima

A vendima, unha actividade habitual do setembro nos concellos do sur de Lugo, retrasouse este ano ata o mes de outubro. Arquivo EC.

Un total de 4.769.985 quilos de uva levábanse recollidos á data de 14 de outubro, según informaron dende o Consello Regulador da Denominación de Orixe Ribeira Sacra. Das 97 adegas que elaboran viño ó amparo deste selo, 67 tiñan completada a vendima en dita fecha, mentres que 29 seguían a traballar nas tarefas de recollida. Das variedades máis frecuentes, vendimáronse este ano 3.795.609 quilos de uva mencía, 194.023 quilos de garnacha, 213.859 quilos de godello, 72.002 quilos de albariño e 29.505 de treixadura.

•O presidente Obama brindou con Ribeira Sacra no Mes da Hispanidad

• O presidente dos Estados Unidos, Barack Obama, ven de celebrar o Mes da Hispanidad co viño tinto «Peza do Rei», elaborado por Bodegas Cachín en A Teixeira, baixo o amparo da Denominación de Orixe Ribeira Sacra. É a primeira vez que un viño galego accede á mesa da selecta cea de gala do Congressional Hispanic Caucus (Asociación de congresistas e políticos hispanos dos EEUU), celebrada o 2 de outubro. Pola súa parte, Bodegas Cachín leva cinco anos introducíndose no mercado estadounidense, con excelentes resultados: a súa colleita do 2008 obtivo 91 puntos na lista Parker, e esta elección supón un importante apoio para a promoción de todos os viños da Ribeira Sacra en terras norteamericanas.

•O Grupo Vinigalicia aposta pola innovación

• O Grupo Bodeguero Vinigalicia con sede en Chantada ven de obter a certificación da xestión da innovación a través da norma UNE166002, que define os requisitos que debe cumprir un sistema de xestión de I+D+I en tecnoloxías e produtos do sector vitivinícola. A certificación, levada a cabo por Bureu Veritas Certification, ofrece unha vantaxe competitiva ós produtos deste grupo, tanto nos mercados nacionais como internacionais ó presentalos como produtos comprometidos coa calidade e resultado dunha axeitada xestión en innovación. Esta certificación ven sumarse ó certificado de calidade británico BRC, concedido a Vinigalicia en maio deste ano por Bureau Veritas. Según explicaron os responsables do grupo adegueiro chantadino, Vinigalicia completa así «un sólido aval para a consolidación dos nosos produtos nos mercados máis esixentes, ó contar cos estándares fundamentais para os provedores da distribución alimentaria». Ademais, Vinigalicia presentou a nova imaxe do seu viño Terra Mundi, máis moderna e divertida, cunha tipografía máis desenfadada.

Viñobús de Vendima, e talleres de fotografía no Centro do Viño de Monforte

A vendima está a convertirse nunha excusa anual para disfruta do lecer na natureza e desenvolver a creatividade. Dende o Consorcio de Turismo Ribeira Sacra puxeron en marcha o Viñobús de Vendima as dúas primeiras fins de semana de outubro, para coincidir cos traballos de recollida da uva. Dende Ourense partiu o primeiro viñobús, con visitas ás terras de Castro Caldelas e A Teixeira, para voltar polo Centro do Viño e visitar Sober. O segundo dos itinerarios centrouse en Pantón, O Saviñao e Belesar. Esta actividade desenvolveuse no marco do convenio de colaboración firmado polas Rutas do Viño de Galicia coa Axencia de Turismo de Galicia.

Asimesmo, o Centro do Viño da Ribeira Sacra, en colaboración co Consello Regulador e a Ruta do Viño organizaron dous talleres de fotografía en torno á vendima, nas dúas primeiras fins de semana de outubro. A cargo de fotógrafos profesionais, os participantes recibiron primeiro nocións básicas para afrontar despois os traballos de fotografía nas zonas vitivinícolas ó longo da xornada, con xantar e visita a adega incluídos.

Deixa unha resposta

Your email address will not be published.

Nova Anterior

Unións Agrarias analizou cos cazadores de Lugo medidas para o control de danos do xabarín

Seguinte Nova

Xornada técnica gratuíta en Monforte sobre prevención de riscos laborais en hostelería

Últimas noticias sobre ECONOMÍA

     
A %d blogueros les gusta esto: