“Estreita colaboración” entre a Xunta e a empresa Gas Natural Fenosa
O 25 de febreiro celebrouse no Concello de O Saviñao unha sesión de traballo sobre a implantación dos plans de emerxencias para as presas de Belesar e Os Peares, xestionadas pola empresa Gas Natural Fenosa. A xuntanza contou coa participación da delegada territorial da Xunta en Lugo, Raquel Arias, e os alcaldes de O Saviñao, Joaquín González; Pantón, José Luis Álvarez; de Chantada, Manuel Lorenzo Varela; e Carballedo, Julio Yebra, ademáis de representantes da empresa Gas Natural Fenosa, da Subdelegación do Goberno en Lugo, da Confederación Hidrográfica Miño-Sil, e dos servizos de Protección Civil e de Prevención e Análise de Riscos, ambos da Dirección Xeral de Emerxencias e Interior.
CAMPAÑA INFORMATIVA SOBRE AUTOPROTECCIÓN NESTE ANO
Arias resaltou a “estreita” colaboración entre a empresa que xestiona as dúas grandes presas do sur de Lugo e os servizos de emerxencia da Xunta, que “van a ofrecer apoio técnico para a redaccións dos plans de actuación municipais”, determinando os puntos de encontro en caso de evacuación, ou informar “a todos os axentes implicados de como actuar de producirse un accidente”. A delegada territorial sinalou que “a poboación debe estar tranquila”, e precisou que “aínda que o risco de que un situación así se produza é moi reducido, é precisa a implantación e difusión entre os habitantes destes plans de emerxencia para minimizar os efectos dun accidente chegado o caso”. Os responsables da empresa e da Xunta anunciaron que nos vindeiros meses deseñarase a campaña de información á veciñanza sobre as medidas de autoprotección que deben adoptar no caso de que se active o plan de emerxencia. O obxectivo é informar ao longo deste ano á poboación de Chantada, Carballedo, O Saviñao e Pantón, dando conta das medidas necesarias a adoptar en caso de producirse rotura nalgunha das presas.•
