A Deputación subvenciona o proxecto

Con esta mellora, potenciarase o uso social e recreativo deste espazo

O IES Daviña Rei acometerá este ano os traballos de acondicionamento para dotar á pista polideportiva do centro de céspede artificial. Según explicaron dende a dirección do instituto, a ANPA do IES Daviña Rei solicitou este proxecto, que está subvencionado pola Deputación de Lugo con 8.000 euros. A pista polideportiva do IES Daviña Rei ten unha superficie de 335 metros cadrados, actualmente pavimentada, e que forma parte do espazo deportivo e recreativo do centro de ensino. A finalidade deste proxecto, según explicaron dende a dirección do instituto, é ofrecer un mellor entorno para os usuarios e usuarias do propio centro, xa que esta pista emprégase como espazo diario de esparcemento do alumnado de ESO. Asimesmo, con estes traballos trátase de potenciar o uso social e recreativo desta infraestrutura deportiva. O proxecto de instalación de céspede artificial na pista polideportiva do Daviña Rei será realizada pola empresa Nuevosjardines, do xove emprendedor Iván Prado, antigo alumno do centro.•