Intensa actividade nas instalacións de golf de Pantón durante a Semana Santa

•O OCA Augas Santa acolleu o Circuito Match Quality Golf 2014 e o Torneo Semana Santa 2014, cun total de 150 xogadores

Imaxe dos gañadores do Torneo Semana Santa 2014, celebrado na fin de semana de Pascua no OCA Augas Santas de Pantón. (Foto cedida).
Imaxe dos gañadores do Torneo Semana Santa 2014, celebrado na fin de semana de Pascua no OCA Augas Santas de Pantón. (Foto cedida).

• As instalacións do complexo OCA Augas Santas de golf foron o escenario dunha intensa actividade deportiva durante a Semana Santa. O domingo 13 de abril disputouse unha das probas do Circuito Match Quality Golf 2014, que congregou a 70 participantes. Esta proba, clasificatoria para a final nacional, tivo como vencedor scratch ó lucense Eduardo Vázquez Río. Na primeira categoría masculina gañou Manuel Blanco Guerra, de Ourense, seguido do monfortino Juan Carlos Pérez “Kukín”. O vencedor da segunda categoría masculina foi Jesús Quiñones, da Federación Castellano-leonesa, seguido de Santiago Luis Murillo, do RAC. En damas, venceu a leonesa Ervigia Ramírez, seguida da local Fátima Franco. O premio para a bola máis cercana no 10 foi para o xogador de Augas Santas José Montes. A gañadora das probas combinadas de Mondariz e Augas Santas foi Yolanda Iglesias, de Golf Mondariz.

O 18 e 19 de abril disputouse o Torneo Semana Santa 2014, patrocinado por OCA Hotels, El Corte Inglés, Martín Codax, A Campiña y Cadena Master, e no que participaron 80 xogadores. O vencedor absoluto foi o sarrián Marcos Díaz Otero, e na primeira categoría gañou o local Jorge Sixto, seguido do madrileño Miguel Daza. Na segunda categoría gañou o sarrián Miguel A.Martínez Quintana, e a mellor dama foi a local Pilar Gómez Centeno.•

Deixa unha resposta

Your email address will not be published.

Nova Anterior

El Club Lemos, abocado al desastre en medio de una crisis institucional

Seguinte Nova

O club Neka, no Campionato Provincial de Taekwondo de combate de Vilalba

Últimas noticias sobre ASOCIACIONISMO

A %d blogueros les gusta esto: