•Terá lugar o domingo 13 de xullo ás 18 horas •O concerto estará a cargo do coro Vox Stellae con acompañamento instrumental

• O Ciclo de Concertos de Verán organizado polo Consorcio de Turismo Ribeira Sacra en colaboración coa Axencia Turismo de Galicia arrincou o pasado 27 de xuño. O escenario foi o mosteiro de Santo Estevo de Ribas de Sil, onde preto de 200 persoas disfrutaron das pezas de verán e primavera de Vivaldi, interpretadas pola Orquestra de Cámara de Galicia baixo a dirección de Rogelio Groba.
A segunda cita do Ciclo dos Concertos de Verán do Consorcio de Turismo Ribeira Sacra terá lugar o vindeiro domingo 13 de xullo na igrexa de San Miguel de Eiré, unha das xoias do románico lucense. Neste incomparable escenario, o grupo vocal Vox Stellae interpretará, con acompañamento instrumental, o concerto «Música para o culto franciscano no Renacemento», a partir das 18 horas. Os interesados poderán adquirir as entradas no Centro do Viño de Monforte, na Casa da Cultura de Pantón, ou na tenda on line da web www.ribeirasacra.org/turismo, ou reservar no 638 823 592.•