O vindeiro mes de febreiro ponse en marcha a Escola Infantil de Golf 2015 nas instalacións de Augas Santas. Esta iniciativa, na que colaboran a Federación Galega de Golf e a Deputación de Lugo, está destinada a nenos e nenas da contorna de entre 6 e 18 anos.
As clases desenvolveranse as fins de semana en grupos reducidos, organizados por nivel e idade. Esta actividade desenvolverase durante os meses de febreiro, marzo e abril. A inscrición, de carácter gratuíto, inclúe as clases e o material deportivo. O obxectivo da Escola Infantil de Augas Santas é achegar aos máis novos ao golf. Máis información no teléfono 982 456 705.
