• O 6 de marzo, a Asociación de Familiares de Enfermos de Alzheimer e Outras Demencias de Monforte (AFAMON) fixo entrega da acreditación de Localidade Solidaria co Alzheimer ao Concello de Quiroga, logo de que o Pleno da Corporación do 17 de setembro de 2014 aprobara por unanimidade a proposta deste colectivo para declaralo Concello Solidario co Alzheimer. Esta acreditación é una iniciativa da Confederación Española de Asociaciones de Familiares con personas con Alzheimer y otras demencias (CEAFA), para contribuír a divulgar a mensaxe de que é necesaria unha política de Estado sobre o Alzheimer, ademais de para informar aos cidadáns sobre a enfermidade e as súas consecuencias, e promover accións relacionadas coas Asociacións máis próximas en cada municipio.•
