•A Xunta destina preto de 400.000 euros ao arranxo de seis quilómetros deste vial •Arias anunciou que haberá unha segunda fase, da que xa están a redactar o proxecto
• A mediados deste mes, iniciáronse os traballos de melllora da estrada LU-611, ao seu paso polo municipio de Taboada. Serán un total de seis quilómetros, entre os núcleos de Taboada e Sonán, nos que se está a reparar o firme, ademais de limpar e formigonar as cunetas. Esta actuación, que estará rematada a mediados de marzo, supón un investimento de preto de 400.000 euros por parte da Consellería de Medio Ambiente, Territorio e Infraestruturas.
MÁIS SEGURIDADE NA ESTRADA
O día 14, a delegada territorial da Xunta en Lugo, Raquel Arias, visitou a zona onde se están a realizar os traballos de mellora, acompañada do alcalde de Taboada, Ramiro Moure. Arias adiantou que a Consellería está a traballar xa no proxecto da segunda fase, que vai incluír outros tres quilómetros da LU-611. A delegada territorial suliñou que os traballos que desenvolve a Xunta neste tramo «van beneficiar a todos os usuarios desta vía, xa que aumenta a comodidade dos condutores, ao tempo que converte a estrada nun lugar máis seguro».•
