A adega chantadina Vía Romana acada o selo de Galicia Calidade

•Na actualidade, son 13 as adegas galegas recoñecidas con este distintivo, dúas delas pertencentes á Denominación de Orixe Ribeira Sacra

Juan Luis Méndez, responsable de Vía Romana, en presenza do seu pai, Javier Méndez, recibiu de mans do conselleiro de Economía, Emprego e Industria, Francisco Conde, o certificado do selo Galicia Calidade. (Foto: Kris Pereira's).
Juan Luis Méndez, responsable de Vía Romana, en presenza do seu pai, Javier Méndez, recibiu de mans do conselleiro de Economía, Emprego e Industria, Francisco Conde, o certificado do selo Galicia Calidade. (Foto: Kris Pereira’s).

• O pasado 6 de febreiro, tivo lugar a entrega do distintivo Galicia Calidade á adega chantadina Vía Romana. O acto tivo lugar nas instalacións da empresa vitivinícola, nun acto que contou coa presenza do conselleiro de Economía, Emprego e Industria, Francisco Conde, que entregou o certificado ao responsable de Vía Romana, Juan Luis Méndez, acompañado do seu pai e representante da saga adegueira, Javier Méndez. Ademais, estiveron presentes o alcalde de Chantada, Manuel Varela, o director-xerente de Galicia Calidade, Alfonso Cabaleiro, e o concelleiro do Partido Popular, Javier Rodríguez Medela.

CONDE: «VÍA ROMANA É UN REFERENTE DE EMPRESA FAMILIAR GALEGA CON EXPANSIÓN NOS MERCADOS»

Na súa intervención, o conselleiro Francisco Conde destacou que o selo Galicia Calidade «vai apuntarlar á adega Vía Romana como referente da empresa familiar galega que ten sido capaz de expandirse e competir nos mercados globais». O conselleiro destacou asimesmo que a empresa chantadina está a continuar o traxecto doutras adegas galegas «que están levando ás nosas mellores referencias vinícolas por todo o mundo baixo o selo Galicia Calidade».

UNHA NOVA ADEGA DA RIBEIRA SACRA CON ESTE DISTINTIVO

Este recoñecemento suma xa un total de 13 adegas das cinco denominacións. Na Ribeira Sacra, Vía Romana é a segunda empresa vinícola en acadar este distintivo, logo de telo conseguido Regina Viarum. Rías Baixas conta con seis adegas certificadas baixo esta marca, Monterrei suma dúas, outras dúas corresponden a Valdeorras, e O Ribeiro conta con unha adega con este distintivo.

Deste xeito, Galicia Calidade suma xa 55 empresas e máis de 350 produtos certificados. Conde destacou que, no marco da Estratexia Galicia Calidade 2014-2016, estenderase o selo a outros sectores da economía galega como o granito, a biomasa ou o turismo.•

Vía Romana súmase ao grupo das 13 adegas galegas co distintivo Galicia Calidade, sendo a segunda da Denominación Ribeira Sacra que a consigue. (Foto: Kris Pereira's).
Vía Romana súmase ao grupo das 13 adegas galegas co distintivo Galicia Calidade, sendo a segunda da Denominación Ribeira Sacra que a consigue. (Foto: Kris Pereira’s).

•O grupo chantadino ViniGalicia, presente en preto de 30 países

• Durante o acto de entrega do selo Galicia Calidade nas instalacións de Vía Romana na parroquia chantadina de A Ermida, o conselleiro Francisco Conde lembrou que esta adega caracterízase «por unha forma distinta e galega de facer as cousas, plenamente comprometida coa calidade, a través das máis modernas técnicas de tratamento e elaboración dos viños, unidas á gran calidade da materia prima e a exhaustivos controis de calidade».

Según precisaron os responsables da adega, en Vía Romana «mímanse os viños sen présa, tanto no depósito como en barrica, e non saen ao mercado ata despois dun ano como mínimo», o que lle confire «un posto emblemático e único entre os tintos galegos».

Vía Romana arrincou en 1998, e a través da empresa matriz Vinigalicia, ten presenza en preto de 30 países, exportando o 40% da súa producción. Esta empresa consolídase como unha das máis importantes do sector en Galicia sumando viños de Ribeira Sacra, Rías Baixas, Ribeiro e Valdeorras, entre outros, ademais de augardentes e licores, vinos espumosos, de cociña, sangría e aceites.

Esta adega familiar arrincou en 1940 por iniciativa de Manuel Méndez, saga continuada xa pola terceira xeración, representada por Juan Luis Méndez. A edificación do século XVI que acolle a adega en A Ermida recibe visitas diarias de luns a sábado para coñecer a singularidade da súa labor vinícola, e actúa como importante atractivo das actividades de enoturismo da Ribeira Sacra.•

 

 

Deixa unha resposta

Your email address will not be published.

Nova Anterior

A Xunta expediu en 2015 máis de 7.300 carnés de manipulador de fitosanitarios

Seguinte Nova

Esixen máis seguridade nas tres rotondas monfortinas do novo corredor

Últimas noticias sobre ASOCIACIONISMO

   
A %d blogueros les gusta esto: