• Ata o martes 6 de xullo ás 24,00 horas está aberto o prazo de inscrición na I Carreira Popular Vila de Sarria 10 Km Nocturna, organizada polo clube Running Sarria en colaboración co Concello. A proba inclúe varios trazados urbanos para as tres categorías menores, de 6 a 7 anos, de 8 a 11, e de 12 a 15 anos, así como proba absoluta, con clasificación por idades. O trazado completo conta con 10 quilómetros de circuíto urbano praticamente chan e homologado, con tres voltas, dende a ponte do Malecón, rúas Calvo Sotelo, Pedro Saco, Nova, Matías López, Benigno Quiroga e Castelao.
INSCRICIÓNS ON LINE
A inscrición será gratuíta para as categorías menores, de 6 euros para os propietarios de chip amarelo de Championchip, e de 7 euros para os non propietarios do chip. Todas as inscricións deberán realizarse a través da páxina www.championchipnorte.com.
RECOLLIDA DE DORSAIS E CHIPS
Os dorsais e chips poderán recollerse entre as 19 e as 22 horas do mesmo día da carreira, nun posto habilitado na zona de saída da carreira, na rúa Calvo Sotelo.
OBSEQUIO PARA TODOS OS PARTICIPANTES
Haberá trofeo para o primeiro clasificado en cada categoría, e medallas para o segundo e terceiro, que se entregarán ao remate da proba. Tamén se premiará ao primeiro corredor local masculino e feminino. Todos os participantes recibirán un obsequio.•
