• A Ribeira Sacra atraeu ao pasaxeiro número 1.000 do programa “Galicia a Todo Tren”, que desenvolve Turismo de Galicia en colaboración con Renfe e o Inorde. O tren que percorre a Ruta do Viño da Ribeira Sacra está a acadar unha das maiores cotas de ocupación da cuarta edición deste programa, que arrincou no mes de xuño e rematará a mediados de outubro.
Segundo explicou a directora de Turismo de Galicia, Nava Castro, o pasado día 7 de agosto, na entrega do distintivo ao pasaxeiro número mil, as nove rutas de “Galicia a Todo Tren” estanse a consolidar como un dos produtos turísticos máis demandados neste verán. Castro adiantou que as diversas rutas temáticas rexistran unha ocupación do 90 e 100%. •
Cargando ...
