Despídese cunha victoria 68-67 ante o Unió Esportiva Mataró
Por quinta vez na súa historia chegaban os chantadinos a unha fase de ascenso a LEB Prata. Esta vez os de Alberto Fafián chegaban a Salou, sede da fase, con todas as expectativas de éxito intactas, trala magnífica tempada realizada na liga regular. Non era doado lograr unha das cinco prazas en xogo. O Ucoga Seguros CB Chantada quedou encadrado no Subgrupo I, xunto a equipos da talla do CB Fuenlabrada (filial do equipo ACB) que ó final levouse o ascenso, Sant Antoni Eivissa Feeling e UE Mataró Germans Homs.
O CB Fuenlabrada presentábase xa como un dos candidatos para bater tras liderar o seu grupo durante a prática totalidade do tramo regular. Entre os seus xogadores máis destacados atopamos a un Bassala Bagayoko que será a sensación desta fase tras estrearse en Liga Endesa con 14 anos e 7 meses, superando ao debutante máis novo da competición, Ricky Rubio. O Sant Antoni, liderado polo veterano Jordi Grimau, xogador con máis de 600 partidos na elite do baloncesto nacional, no seu primeiro ano en Liga EBA conseguiu colarse entre os mellores e só cedeu nun encontro dos trece que disputou no apertado grupo C. O UE Mataró é o equipo con máis traxectoria en Liga EBA de todo o subgrupo 1. Máis de 10 campañas na categoría e máis de 20 en competición FEB permiten con fartura que o combinado catalán soñe con ascender. Un mozo Jordi Juanola lidera ao grupo nas estatísticas.
Empezou o Ucoga Seguros CB Chantada perdendo claramente ante Fuenlabrada por 60-84, derrota que repetiu na segunda xornada ante o Sant Antoni Ibiza Feeling por 62-88, resultado que xa dejaba sin opcións ós chantadinos na derradeira xornada, na que acadaba a sua única victoria ante o Mataró
Cargando ...
