O goberno local de O Saviñao estuda como atender os servizos de axuda a domicilio o vindeiro ano

Dende o goberno local do Saviñao, o alcalde Joaquín González di afrontar o vindeiro ano con perspectivas de lentitude na recuperación económica e un pequeno ritmo de actividade explicado pola crise económica, pero coa prudencia da análise e de observar o arranque do novo goberno central, do que vai depender en parte o marxe de manobra co que se traballe dende os municipios, indicou. En canto á problemática de finanzamento arredor dos servizos sociais, González indica que actualmente se está a estudiar “ata onde somos capaces de chegar” na cobertura da atención a domicilio, pero ten claro que non se van poder prestar os mesmos servizos que deica este momento, no que se están a atender arredor dunhas 100 familias no municipio “tendo que facer xa un esforzo no ano 2011”, indicou o rexedor local.