Sober acollerá un curso básico de prevención de riscos laborais para a actividade vitivinícola, destinado a persoas desempregadas e ocupadas vinculadas co sector do cultivo e produción de viño. As sesións formativas, de carácter presencial, desenvolveranse no Centro Sociocultural de Sober do 27 de setembro ao 5 de outubro, en horario de tarde.
REPARTO DAS PRAZAS DE DESEMPREGADOS E TRABALLADORES
O curso, cun total de 30 horas lectivas, ofrece 35 prazas, das que 30 están destinadas a persoas desempregadas que serán seleccionadas a través da Oficina de Emprego de Monforte de Lemos, mentres que as cinco prazas restantes poderán ser ocupadas por persoas que traballen na actividade agraria. A presentación de solicitudes remata o 21 de setembro ás 14 horas. As solicitudes poderán enviarse por correo electrónico ao enderezo desenvolvementorural.issga@xunta.es, ou no fax 982 240 769. Para máis información, poden dirixirse ao teléfono 982 243 071, ou na web www.issga.es.
Cargando ...
