• Dende a Concellería de Benestar Social de Monforte informaron de que está aberto ata o 15 de novembro o prazo para solicitar algunha das 120 prazas que o programa Xuntos polo Nadal ofrece para as provincias de Lugo e Pontevedra. Este programa, impulsado pola Consellería de Traballo e Benestar, vai dirixido a aquelas persoas maiores que se atopan nunha situación de soidade, ben pola carencia de familiares, perda do seu cónxuxe ou a emancipación dos fillos e fillas. O programa desenvolverase entre o 23 de decembro e o 2 de xaneiro, con aloxamento en habitacións compartida e pensión completa na Residencia de Tempo Libre de O Carballiño.
Os beneficiarios do programa Xuntos polo Nadal deberán ser maiores de 60 anos, estar empadroados en Galicia, valerse por sí mesmos, non estar acollido en ningún centro residencial, e ter que pasar o Nadal sen compañía. Ademais, os beneficiarios non poderán padecer enfermidade infecto-contaxiosa activa nin trastornos mentais ou condutuais que poidan alterar a convivencia. Darase preferencia ás persoas con máis idade, menos recursos económicos, ou que non tiveran disfrutado este ano de ningún programa social.•
Últimas noticias sobre INICIATIVAS
A ONG SOGAPS (Solidariedade Galega co Pobo Saharaui) continúa coa súa labor de difusión do programa
O Mesón Ferreiriño alzouse co título de tapa gañadora no concurso Val de Quiroga de Tapas
O Xeoparque Montañas do Courel lanzou un concurso para seleccionar o seu novo logo, adaptado ás
O Obradoiro Dual de Empleo Serra do Faro VIII está a facer unha importante contribución á
O Concello de Sober converteuse esta semana no epicentro do lanzamento do «O Encontro de Sober»,