• O portavoz de Educación do grupo socialista no Parlamento galego, Vicente Docasar, lamentou o «veto do PP» a extender a modalidade de Bacharelato Internacional ás provincias de Lugo e Ourense.
A Comisión de Educación da Cámara galega debatiu a mediados deste mes unha proposición non de lei presentada polo socialista, na que reclamaba a extensión do modelo de Bacharelato Internacional a distintas zonas e centros de Galicia, para facilitar a súa accesibilidade en igualdade de oportunidades ao alumnado das catro provincias. Esta modalidade só se imparte no IES Rosalía de Castro de Santiago e Do Castro en Vigo, e nos centros privados Obradoiro e Marcote. Docasar entende que, con esta situación, o alumnado das provincias de Lugo e Ourense non teñen ningunha posibilidade de acceder a este ensino. O socialista reclamou unha distribución «xusta e racional nas catro provincias galegas», e que poida chegar «por igual ao alumnado das cidades grandes e medianas».
Docasar esixiu «medidas máis ambiciosas» para impulsar o ensino en idiomas e «facilitar ao alumnado de familias medias e humildes estadías en países estranxeiros nas vacacións».