Presentan en Monforte o programa de Bonos Activa Comercio da Xunta para dinamizar as vendas

O delegado territorial da Xunta en Lugo, Javier Arias, acompañado pola voceira do PP no Concello, Katy Varela, animou aos comerciantes de Monforte a sumarse ao programa Bonos Desconto. GPXG

• Redacción – MONFORTE. A nova campaña da Xunta para impulsar as vendas no comercio de proximidade chegou a Monforte.

DESCONTOS DE 30 EUROS NOS COMERCIOS QUE SE SUMEN AO PROGRAMA
O delegado da Xunta na provincia, Javier Arias, visitou este mes varios establecementos da cidade do Cabe para trasladar aos comerciantes as vantaxes do programa Bonos Activa Comercio. A Xunta financia estes bonos con rebaixas de 30 euros para que os clientes os gasten nos negocios adheridos.
Arias explicou en Monforte que o proceso para darse de alta no programa «é rápido e sinxelo». Ademais, unha vez formalizada a adhesión, os comerciantes recibirán un distintivo «para que o coloquen nun lugar visible das tendas», de xeito que poidan ser identificados polos consumidores.
A alta dos establecementos pode realizarse no portal bonosactivacomercio.gal ata o 15 de maio. Ademais, dende o 3 de maio os particulares que queiran beneficiarse destes bonos poden solicitalos a través da aplicación móbil deste portal, e informarse dos descontos. •

Deixa unha resposta

Your email address will not be published.

Nova Anterior

A empresa chantadina Vinigalicia, patrocinadora do Xacobeo 21-22

Seguinte Nova

A CAMPAÑA DO DÍA DA NAI EN ACES-SARRIA SORTEA «UN DÍA PARA TI!»

Últimas noticias sobre ECONOMÍA

A %d blogueros les gusta esto: