Executado o 25% da primeira fase da autovía Nadela-Sarria

A conselleira de Infraestruturas e Mobilidade, Ethel Vázquez, xunto ao alcalde de Sarria, Claudio Garrido, entre outros representantes públicos, supervisou este mes os traballos na primeira fase da autovía. GPXG

Os traballos para converter o corredor Nadela-Sarria en autovía avanzan a bo ritmo. Así o constatou a conselleira de Infraestruturas e Mobilidade, Ethel Vázquez, na visita que realizou á zona este mes. Acompañada, entre outras autoridades, polo alcalde de Sarria, Claudio Garrido, a conselleira destacou que a primeira fase da futura autovía acadou xa o 25% de execución, o que confirme, segundo a titular autonómica, a aposta da Xunta pola vertebración territorial do interior de Galicia.

O RITMO DOS TRABALLOS MANTÉN O OBXECTIVO DE ABRIR O TRAMO EN OUTUBRO DO VINDEIRO ANO
Vázquez salientou tamén que o plan de traballos previsto supera neste momento o 103%, con 30 máquinas e máis de 50 traballadores nas obras, o que fai posible manter o obxectivo da Xunta de abrir ao tráfico rodado o novo tramo en outubro de 2022.
34 MILLÓNS ESTE ANO PARA ESTRADAS AUTONÓMICAS LUCENSES
Durante a visita, Ethel Vázquez adiantou que o Executivo autonómico ten previsto licitar en 2021 a redacción do proxecto do resto do treito, que permitirá converter en autovía a totalidade do corredor de Sarria a Lugo. Vázquez destacou o «esforzo» da Xunta por mellorar a rede de estradas na provincia de Lugo, cun orzamento total de 34 millóns de euros no ano en curso.•

Deixa unha resposta

Your email address will not be published.

Nova Anterior

O Concello licita a mellora dun camiño público do polígono do Reboredo

Seguinte Nova

Arranxan 11 quilómetros da estrada autonómica entre A Pobra do Brollón e O Incio

Últimas noticias sobre GALERÍA

A %d blogueros les gusta esto: