•A achega da Xunta servirá para ampliar a estación depuradora de Os Acivros
A mediados de xullo, a Xunta aprobou case 700.000 euros en axudas para promover obras de mellora en oito parques industriais da provincia de Lugo. Segundo precisou o delegado territorial da Xunta, Javier Arias, estas achegas van destinadas aos concellos para a modernización das infraestruturas nas superficies industriais. Arias salientou que as subvencións autonómicas implicarán mobilizar nos proxectos un total de 1,1 millóns de euros.
120.000 EUROS PARA O PARQUE INDUSTRIAL DE CHANTADA
Entre os concellos beneficiados con estas axudas está Chantada, que recibirá da Xunta 120.000 euros para ampliar a estación depuradora de augas residuais do polígono Os Acivros.
Segundo os responsables autonómicos, as subvencións, concedidas pola Vicepresidencia segunda e Consellería de Economía, Empresa e Innovación, buscan favorecer unha actualización permanente dos parques industriais de Galicia. As axudas permiten dar resposta ás necesidades de infraestruturas, comunicacións e servizos demandados pola actividade industrial. •
Cargando ...
