As mulleres emprendedoras poderán solicitar as axudas do programa Emega ata o 16 de agosto. A edición deste ano está dotada con 3,2 millóns de euros, un 54% máis que o ano pasado, co fin de reforzar o emprendemento feminino.
Dende a Consellería de Emprego e Igualdade explicaron que as axudas constan de catro líneas. A liña Emprende vai dirixida á creación de novas empresas por parte de mulleres desempregadas, mentres que a liña Activa pretende reactivar ou consolidar proxectos empresariais. Así mesmo, baixo o epígrafe ITEF están as achegas para novas iniciativas de corte innovador nos eidos da tecnoloxía e da investigación. Por último, a liña Concilia que complementa ás tres anteriores, trata de favorecer a conciliación das promotoras dos negocios e tamén das persoas traballadoras ao seu cargo. As axudas por beneficiaria oscilarán entre os 8.000 e os 42.000 euros, segundo a liña e o número de postos de traballo ocupados por mulleres.•
Cargando ...
