O Concello de Monforte adquire unha parcela no Polígono Industrial do Reboredo

•Outras tres parcelas foron vendidas polo SEA, a unha enxeñaría, unha compañía metalúrxica e a unha firma de construción

Imaxe do alcalde de Monforte José Tomé, e a xerente de Suelo Empresarial del Atlántico na sinatura da compraventa da parcela do Reboredo . GPCM

• Redacción- MONFORTE. O Alcalde de Monforte, José Tomé Roca, e a Xerente da entidade estatal “Suelo Empresarial del Atlántico” (SEA), Beatriz Sestayo Doce, asinaron a adquisición, por parte do Concello, dunha parcela no Polígono industrial de O Reboredo, “para seguir cubrindo as necesidades de desenvolvemento deste polígono”, destacou o Alcalde
Pero máis aló desta adquisición municipal, o realmente significativo e digno de valorar na súa xusta medida, é a noticia adicional que ofreceron tanto o alcalde como a xerente de SEA, o feito de aproveitar a súa visita a Monforte para escriturar a venda doutras tres parcelas do polígono. En total as novas vendas teñen unha extensión de 27.173 m2, só unha dás superficies vendidas ascende a máis de 14.000 m2, sendo o montante total da venta das parcelas de 529.873 euros máis IVE. Foron adquiridas por unha enxeñaría, unha compañía metalúrxica e unha firma constructora.
Estas ventas súmanse ás pechadas nos últimos meses, o que pon de manifesto un claro cambio na evolución dun polígono que durante moitos anos languideceu da man de SIGALSA e que nestes últimos anos parece ser unha opción real para o desenvolvemento empresarial da comarca. A día de hoxe, só queden dispoñibles catro parcelas.
O Concello xa plantexou fai unhas semanas á SEPE e a Suelo Empresarial del Atlántico a necesidade da ampliación do Polígono para cubrir a crecente demanda actual. •

Deixa unha resposta

Your email address will not be published.

Nova Anterior

A ASOCIACIÓN CULTURAL MUSICAL LUÍS NIEVES CONVOCA BOLSAS PARA AXUDAR A QUE MOZOS E MOZAS (ATA 30 ANOS) CON MENOR PODER ADQUISITIVO POIDAN ACCEDER A ESTUDOS MUSICAIS DE CALIDADE

Seguinte Nova

Nova maquinaria para a recollida de residuos cunha inversión de 635.000 euros

Últimas noticias sobre ECONOMÍA

 
A %d blogueros les gusta esto: