• Para conmemorar este día, como en pasadas edicións, procedeuse a colocar no balcón da Casa Consistorial a bandeira arco iris, símbolo da comunidade LGTBI
Cando nos últimos días chegábannos os ecos das polémicas na capital de España pola negativa do Concello e a comunidade de Madrid de non colgar nos seus balcóns a bandeira arco da vella con ocasión do día internacional do orgullo LGTBI, o Concello de Monforte, pola contra, vén de aprobar de forma unánime unha declaración institucional que amosa o seu apoio e compromiso na loita da comunidade LGTBI, na defensa nítida do dereito á plena igualdade, á dignidade e ao libre desenvolvemento da identidade sexual e/o de xénero. e manifesta o compromiso de continuar na promoción de actitudes e políticas que favorezan a concienciación social para un efectivo cambio de mentalidade que erradique as actitudes LGTBIfóbicas e o rexeitamento ás mesmas. Esta declaración foi leida polo Alcalde José Tomé Roca no pleno. En nome de todos os veciños e veciñas de Monforte manifestou “o noso apoio institucional e social a esta celebración do Día do Orgullo LGTBI, co obxectivo de facer visible á nosa sociedade a diversidade sexual, á vez que promovemos a igualdade, liberdade e o respecto de todas as persoas”.
E por suposto, colgou a bandeira arco iris no seu balcón .•
