O grupo provincial do Partido Popular visitou Sober, dentro das reunións periódicas de traballo e organización de grupo, que habitualmente convocan ao longo da provincia poñendo en práctica a estratexia de descentralizar o traballo e apostar polo trato igualitario na provincia. Os populares aproveitaron para coñecer a adega Algueira, de Sober, que foi recoñecida como a mellor experiencia vinícola de España e que tamén pode presumir de ser a primeira empresa galega cuxos viños forman parte da subasta de La Place, en Burdeos, unha das máis importantes do mundo para o sector.•
