Os Cañones do Sil é un dos destinos máis destacados nas rutas propostas pola Guía de Ecoturismo Eólico

A Guía de Ecoturismo Eólico de Ventos de Futuro, publicada polo selo ‘Nómades’ de GeoPlaneta, destaca a riqueza xeográfica e o interese turístico, cultural e gastronómico da comarca

O entorno natural dos Cañones do Sil e da Serra da Capelada emerxen como dúas das principais rutas recomendadas pola Guía de Ecoturismo Eólico. Esta publicación pioneira en España pon en valor o interese xeográfico, turístico, cultural e gastronómico destas áreas rochosas de Galicia que percorren os parques eólicos Sil e Meda, así como o miradoiro do Atlántico Vixía de Herbeira.
«Galicia posúe unha riqueza cultural e un interese turístico tan amplo que resultou moi difícil seleccionar as principais rutas que forman parte desta Guía», explicou o portavoz de Vientos de Futuro, Carlos Martí. «O noso obxectivo foi resaltar a convivencia nos entornos entre a atracción turística e cultural e a eólica. O valor da vida rural debe ser potenciado e conservar as tradicións e formas de disfrutar do entorno», subliñou o portavoz do movemento cívico.
A Guía de Ecoturismo Eólico amosa a convivencia entre o patrimonio histórico, a biodiversidade e a produción de enerxía verde a través de 10 rutas inéditas polo norte do país. Entre elas, destacan os enclaves dos Cañones do Sil e da Serra da Capelada. A ruta da Serra da Capelada transcorre diante do cabo de Estaca de Bares, o espiño rochoso máis septentrional da península, sendo descrita pola autora da guía, Mar Ramírez, como «un paraíso para os amantes do vento e dos acantilados». O Vixía de Herbeira, miradoiro do Atlántico situado nos acantilados máis elevados de Europa, é o «lugar perfecto» para desfrutar do vento. A ruta dos Cañones do Sil, pola súa banda, fai honor á cultura do vento na Ribeira Sacra. Na Cabeza de Meda, onde se agocha unha alomada estribación montañosa desgaxada da alta montaña galega de San Mamede, os parques eólicos Sil e Meda asómanse desafiando ao vento desde as alturas.
A Guía de Ecoturismo Eólico permite explorar o rico patrimonio histórico e natural de España, dende «pobos prerromanos astures ata os infinitos paramos burgaleses pasando polos cañones galegos esculpidos coa combinación do vento e a auga».
O compromiso co territorio é clave. Mar Ramírez, autora da guía, aboga pola importancia dunha «convivencia óptima» entre patrimonio histórico e natural, enerxías limpas e habitantes en cada un dos territorios.•