O cabeza de lista do PP ao Senado pola provincia de Lugo, Xosé Manuel Barreiro, referiuse na súa intervención no mitin celebrado o pasado 6 de outubro en Chantada á “aposta decidida, comprometida por Mariano Rajoy”, co sector primario. Dixo que o PP promoverá, no caso de gañar as eleccións, a incorporación de xóvenes á actividade agraria para frear o abandono do campo e o envellecemento da poboación no rural, facilitando así o relevo xeneracional. “Na Ribeira Sacra tedes moi presente, pola puxanza que ten a viticultura, o importante que resulta que os mozos se poñan ó frente das explotacións. Eles son a mellor garantía de que o sector teña futuro e así o están demostrando xa co recoñecemento e prestixio internacional que o seu traballo está a alcanzar”, indicou. “O Partido Popular respaldará ós emprendedores”, enfatizou. Barreiro tamén se referiu “ás infraestructuras aínda inexistentes reiteradamente prometidas polos socialistas, nomeadamente por José Blanco dende hai unha década”, facendo referencia á autovía Lugo-Ourense ou a que “ía unir Chantada con Monforte”, afirmou.
Últimas noticias sobre ECONOMÍA
• Esta nova liña de axudas está dirixida a autónomos, micro, pequenas e medianas empresas para
• As empresas candidatas a optar a estes espazos deberán ter domicilio social e fiscal no
• Seis destes programas, xa publicados e co prazo aberto para a presentación de solicitudes, van
• Trátase dunha actuación que se enmarca na liña de apoios que o Goberno galego destina
• Agromuralla e UCGAL monitorizarán os prezos do leite desde as granxas ate os puntos de