•Os empregados da Deputación de Lugo percibirán na nómina de outubro a máxima cantidade que a Lei permite aboar ás Administracións, logo de que o organismo provincial aprobara esta medida a principios deste mes. O voceiro provincial socialista, Manuel Martínez, precisou que o montante total da cantidade que a Deputación vai abonar ascende a 220.000 euros. A parte proporcional é a correspondente a 44 días, os que van do 1 de xuño ao 14 de xullo de 2012, “data de entrada en vigor do Decreto co que o Goberno central do PP suprimiu este dereito laboral a todos os empregados públicos”, subliñou Martínez.
O voceiro anunciou que convocarán aos representantes sindicais para poder abonar o 75% restante en xaneiro, co obxectivo de que «a principios do 2015 todo o persoal funcionario e laboral teña recuperado a totalidade da paga extra de decembro do 2012”.