•Un total de 1.700 visitantes disfrutaron das Rutas Fluviais, que estiveron operativas todos os días da Semana Santa
• Un total de 1.700 persoas disfrutaron dos dous percorridos diarios que os catamaráns xestionados pola Deputación de Lugo realizaron durante a Semana Santa. Según explicou o voceiro provincial socialista, Álvaro Santos, o nivel de ocupación das Rutas Fluviais do organismo provincial foi praticamente do 100%.
OS USUARIOS VALORARON AS RUTAS CON SOBRESAÍNTE
En concreto, a Ruta do Canón do Sil, que realiza o itinerario fluvial dende Santo Estevo ata o Mosteiro de Santa Cristina, foi a que acadou un maior número de viaxeiros, dobrando en número aos que optaron pola Ruta do Cabo do Mundo, que discurre polo Miño pasando polo embarcadoiro de Belesar e a área recreativa de Maiorga. Santos destacou que os usuarios valoraron cun sobresaínte o servizo das Rutas Fluviais, logo de incorporar diversas melloras de cara a esta tempada vacacional.
O portavoz socialista do Goberno provincial salientou que, despois do intenso horario dos catamaráns durante a Semana Santa, estase a recuperar o ritmo habitual desta época do ano, con dúas saídas ás 11,00 e ás 16,00 horas de mércores a domingo en Doade, e no mesmo horario os sábados e domingos dende Belesar.
NOVIDADES DENDE ESTA SEMANA SANTA
Ademais destes dous itinerarios intensivos dos catamaráns xestionados pola Deputación, a Semana Santa trouxo máis novidades neste servizo. Para esta tempada vacacional, tivo lugar a posta en funcionamento dunha oficina de turismo no embarcadoiro de Doade, que ofrece venda de billetes de catamarán e información turística sobre a Ribeira Sacra e o conxunto da provincia de Lugo.
Asimesmo, esta Semana Santa comezou a funcionar a nova central de reservas, que ofrece un servizo de atención integral as 24 horas de luns a domingo, a través do enlace reservas.rutasembalses.es.
Por último, os responsables da Deputación destacaron o reforzo do persoal especializado de atención aos usuarios das Rutas Fluviais. Ata o de agora, un total de 6 persoas estaban encargadas destas tarefas. A partir deste mes, o persoal especializado ascende a 9 traballadores durante a tempada baixa e o verán, e sube ata 12 persoas en datas festivas, como Semana Santa, ou as pontes das Letras Galegas, o Pilar ou a Constitución.•
• ESTUDAN ABRIR NOVAS RUTAS DE CATAMARÁN
Según explicaron o presidente da Deputación, Darío Campos, e o deputado de Turismo, Eduardo Vidal, o organismo provincial está a traballar na posta en marcha de novas prestacións relacionadas co servizo de catamarán. Por unha banda, está en estudo o deseño de novos percorridos, con paradas noutros concellos da zona. Por outra, contémplanse novas medidas para potenciar estas rutas fluviais, que o ano pasado superaron os 50.000 viaxeiros, co obxectivo de desestacionalizar o servizo, atraendo máis turistas en tempada baixa. Estas medidas forman parte do Plan Integral de Turismo que trata de impulsar o organismo provincial.•
