24 establecementos da provincia de Lugo participarán na décima edición do Outono Gastronómico

• Do 16 de setembro ao 18 de decembro, 92 establecementos de toda Galicia sumaranse a este programa que combina enogastronomía e estancias de turismo rural

Presentación do X Outono Gastronómico e do Autobús do programa, pola directora de Promoción de Turismo de Galicia, Carmen Pita; e os presidentes da Federación Galega de Turismo Rural, Cesáreo Pardal; da Asociación Galega de Turismo Rural, Manuel Luciano Sánchez; e da Asociación de Turismo Rural Agarimo, Ventura García Fafián. GPXG.
Presentación do X Outono Gastronómico e do Autobús do programa, pola directora de Promoción de Turismo de Galicia, Carmen Pita; e os presidentes da Federación Galega de Turismo Rural, Cesáreo Pardal; da Asociación Galega de Turismo Rural, Manuel Luciano Sánchez; e da Asociación de Turismo Rural Agarimo, Ventura García Fafián. GPXG.
• O vindeiro 16 de setembro ponse en marcha a décima edición do Outono Gastronómico, unha iniciativa que combina a enogastronomía con estancias en establecementos de turismo rural de toda Galicia. Segundo explicou a directora de Promoción de Turismo de Galicia, Carmen Pita, na presentación do programa, este ano son 92 os establecementos da nosa comunidade que se sumaron á iniciativa, con 26 establecementos na provincia de Pontevedra, 24 na de Lugo, 23 en Ourense e 19 na provincia da Coruña.
O programa, que estará en marcha ata o 18 de decembro, é un produto creado por Turismo de Galicia  en colaboración coa rede de establecementos de Turismo Rural de Galicia.  O Outono Gastronóimico ten como obxectivo dinamizar o turismo no eido rural, desenvolvendo a oferta complementaria e favorecendo a desestacionalización.
DOUS EXCLUSIVOS MENÚS A ELIXIR NA OPCIÓN GASTRONÓMICA
Dentro deste programa, cada unha das casas rurais participantes vai ofrecer dous menús diferentes, exclusivamente concibidos para a ocasión. Deste xeito, a oferta Menú Outono Gastronómico inclúe os entrantes, primeiros e segundos pratos, sobremesas, cafés ou infusións, viños de denominación de orixe galega e outras bebidas.
MENÚ MÁIS PERNOCTA EN CASA RURAL
Tamén se ofrece a posibilidade de adquirir o Paquete Outono Gastronómico, que permite degustar o Menú Outono Gastronómico e pernoitar na casa de turismo rural elixida, incluíndo os almorzos do día seguinte. Esta modalidade ofrece un menú por persoa máis aloxamento e almorzo nunha das casas de turismo rural participantes na promoción, a escoller entre a noite do venres ou do sábado.
Por último, o programa ofrece a Fin de semana Outono Gastronómico, que inclúe dous menús por persoa máis o aloxamento nas noites de venres e sábado. Se a viaxe é en familia, a opción Familiar inclúe ofertas para un ou dous menores de 14 anos.
SORTEOS E AGASALLOS POLO 10º ANIVERSARIO
Para celebrar os primeiros dez anos do Outono Gastronómico, esta tempada ponse en circulación o Autobús Outono Gastronómico, un vehículo histórico dos anos 50, no que se ofrecerá información sobre a evolución desta iniciativa turística e os distintos paquetes turísticos que ofrece. O Autobús Outono Gastronómico vai percorrer as sete grandes cidades galegas, así como Vilagarcía de Arousa.
Ademais, Turismo de Galicia elaborou diverso material promocional, que inclúe unha guía informativa en galego e castelán, cartaces e dípticos. A guía estará dispoñible nos propios establecementos rurais, oficinas de turismo, campos de golf e outros espazos públicos. Nas redes sociais, haberá un concurso en Facebook que sorteará varias estancias no Outono Gastronómico en colaboración con varios centros comerciais.
Así mesmo, todos os participantes no X Outono Gastronómico recibirán como agasallo un tarriño de mel galego da Indicación Xeográfica Protexida Mel de Galicia personalizado coa imaxe deste programa turístico. •

Deixa unha resposta

Your email address will not be published.

Enquisas

ESTÁ CONFORME CO PROXECTO PARA CONSTRUÍR UNHA NOVA PONTE DE FERRO NO MALECÓN EN SUBSTITUCIÓN DA PASARELA PEONIL ACTUAL?

Cargando ... Cargando ...

Resumen mensual de noticias

Nova Anterior

Continúa ata o día 15 o horario de verán nas visitas á Torre da Homenaxe de Monforte

Seguinte Nova

Aberto o prazo de matrícula na Escola Municipal de Música de Sober

Últimas noticias sobre ASOCIACIONISMO

Chantada contra o cancro

A solidariedade e a conciencia social uníronse en Chantada nunha loita colectiva contra o cancro. No pasado mes de decembro, a directiva
Ir aInicio

Don't Miss