O Presidente da Deputación de Lugo, José Tomé Roca, asinou un convenio de colaboración cos alcaldes e alcaldesas dos 52 concellos da provincia que decidiron sumarse ao Impulsa TIC, un novo proxecto a través do que a institución provincial lles proporcionará de forma gratuíta ferramentas tecnolóxicas ás entidades locais para avanzar na súa modernización e transformación dixital, e, mellorar, desta forma o servizo público que ofrecen aos seus veciños e veciñas.
FONDOS EUROPEOS
Para financiar o Impulsa TIC, a Deputación de Lugo conta cun orzamento de 4,5 millóns de euros, unha cantidade substancial obtida do Plan de Recuperación, Transformación e Resiliencia impulsado polo Goberno central. Estes fondos, procedentes da Unión Europea, teñen como finalidade facer fronte aos efectos da pandemia e modernizar a economía do país. A súa asignación á modernización dixital dos concellos da provincia de Lugo é un paso crucial para acadar este obxectivo. A sinatura do convenio de colaboración contou coa presen- za dos alcaldes e alcaldesas dos concellos que decidiron unirse ao Impulsa TIC, así como do Deputado de Promoción Económica e Social, Pablo Rivera Capón. O Presidente José Tomé Roca destacou o feito de que a Deputación de Lugo lidera a lista das institucións provinciais de toda España que recibiron máis fondos desta liña de axudas convocada polo Ministerio de Política Territorial. Xunto coas provincias de Barcelona, Valencia e Sevilla, Lugo sitúase como un exemplo de eficacia na obtención de recursos europeos para a modernización dixital.
COMPROMISO COA MODERNIZACIÓN DOS CONCELLOS
José Tomé Roca subliñou que este proxecto é un testemuño do compromiso da Deputación de Lugo coa modernización e cooperación cos concellos da provincia. A través do Impulsa TIC, as administracións locais poderán gañar en «cercanía, axilidade e transparencia» nos servizos que prestan á veciñanza. Para elo, a Deputación dotaraos de equipamentos adaptados ás súas nece sidades específicas e seguindo unha distribución con criterio obxectivos. O Presidente citou exemplos concretos, como a axilización de trá mites á cidadanía, a instalación de sistemas para a gravación dos plenos municipais e a mellora da accesibilidade das páxinas webs dos concellos.
AUTONOMÍA MUNICIPAL
Un aspecto destacable deste proxecto é que a Deputación respecta a autonomía municipal, tendo en conta as necesidades e prioridades específicas de cada concello. De feito, as entidades locais manifestaron as súas situacións particulares en materia dixital, o seu punto de partida e as súas prioridades, permitindo así á Deputación proporcionarlles os recursos axeitados. Isto garantirá unha xestión eficaz e transparente dos fondos europeos recibidos.
Os concellos da provincia adheridos a este novo proxecto de cooperación impulsado pola Deputación son os seguintes: Abadín, Alfoz, Antas de Ulla, Baleira, Barreiros, Becerreá, Begonte, Bóveda, Burela, Castroverde, Cervantes, O Corgo, Cospeito, Chantada, Folgoso do Courel, A Fonsagrada, Foz, Friol, Guitiriz, O Incio, Láncara, Lourenzá, Meira, Monforte de Lemos, Monterroso, Navia de Suarna, Negueira de Muñiz, As Nogais, Outrol, Pantón, A Pastoriza, Pedrafita do Cebreiro, Pobra do Brollón, Pol, A Pontenova, Portomarín, Quiroga, Rábade, Ribadeo, Ribas de Sil, Ribeira de Piquín, Riotorto, Samos, Sarria, O Saviñao, Sober, Taboada, Trabada, Vilalba, Viveiro, Xermade e Xove.
17 MILLÓNS DE EUROS
O Presidente da Deputación enfatizou que coa inxección de 4,5 millóns de euros para a modernización dixital dos concellos, a Deputación de Lugo logra un total de 17 millóns de euros de fondos da Unión Europea desde que asumiu a Presidencia da institución en 2019. Estes fondos foron utilizados para diversas iniciativas, incluíndo o aforro no alumeado público, o fomento do emprego entre a mocidade e os parados de longa duración, a dixitalización das pequenas e medianas empresas e proxectos que aproveiten a riqueza medioambiental da provincia.
A institución provincial, destacou José Tomé, continúa traballando para acadar fondos adicionais e promover o progreso social e económico da provincia. Logo de que os concellos manifestaran xa cal é a súa situación particular en materia dixital, cal é o seu punto de partida e as súas prioridades, a Deputación proporcionaralles os recursos máis axeitados a esas necesidades específicas, que distribuirá dun xeito moi semellante a como fai co Plan Único de Cooperación, é dicir, en base a criterios obxectivos.•
